講起帶寵物睇獸醫，毛孩驚驚，主人頭痛，皆因唔少毛孩去到獸醫診所因爲太驚而發惡（尤其是貓貓），令診症變成不可能的任務。

最近新興上門獸醫服務，同貓媽咪提供上門照顧服務一樣，都係為咗毛孩可以喺屋企最熟悉最放鬆嘅環境下得到悉心嘅照料，省卻周車勞頓同陌生環境帶嚟不必要嘅壓力。

除手術/放射治療外，獸醫診所諮詢室做到嘅，上門獸醫都做到：
– 疫曲注射；
– 健康檢查；
– 腸道驅蟲、防蝨；
– 牙齒保健；
– 抽血化驗；
– 超聲波等

唔好以為上門獸醫收費一定好高，有不少其實同平時去獸醫診所價錢差唔多，有啲更做埋處方糧送貨！

最後留意返：
– 徧遠地方有可能會貴少少；
– 上門診症時最好揀毛孩最放鬆嘅地方（如客廳/睡房）；
– 診症位置如果有毛孩可以匿埋嘅地方（如化發底/床底），建議搵雜物遮住，以免毛孩匿埋唔肯出返嚟