炎炎夏天又到了。原來，貓貓體溫比起我哋高出一至兩度， 相對人類佢哋更容易中暑。
貓貓中暑特徵
如果發現貓貓有以下特徵，就要加倍小心，因為佢哋可能中暑了：
有體溫升高、心跳加速、喘氣、呼吸加快、鼻孔乾燥、黏膜潮紅或呈紫色、精神不振、口吐白沫、便便呈黑色、無尿或少尿等。嚴重時，貓貓更會昏迷、全身痙攣。
全日開冷氣畀貓貓防止中暑？
全天候開冷氣畀貓貓，雖然可以將佢哋中暑機會減低，但會衍生其他問題。首先，冷氣同外面空氣對流減少，令到皮膚致敏源積聚於室內，增加患上貓癬及其他皮膚病可能。另外，長期開冷氣會令貓貓適應天氣轉變能力降低，反而令貓貓外出時中暑機會增加。
貓貓消暑大法
其實除咗開冷氣之外，係有其他方法幫貓貓消暑嘅：
1. 外出時，盡量避免長期曝曬，以及少去人多嘅地方，去比較通風嘅地方例如公園有樹蔭嘅位置。
2. 如發現貓貓出現中暑徵狀，應盡快用凍水抺身，或者用濕毛巾敷喺貓貓額頭，可以迅速令貓貓降溫。
3. 主人可以用酒精搽喺貓貓腳底、腋下、肚仔等位置，一樣可以令貓貓體內熱量散出嚟。
4. 中暑後，當貓貓恢復精神，一定要補充水分，以免脫水。
做好準備，陪貓貓渡過夏天喇！
