根據法例，狗主須為滿五個月大的狗隻植入晶片及申領狗牌，貓隻或其他寵物則無此規定及安排。有讀者收養一隻流浪貓後不久走失，及後發現被愛護動物協會暫時飼養，因沒有 貓晶片，領回時遇阻滯，事件反映法例下貓狗待遇有異。

雖然香港法例無規定，但唔少奴才為求個安心，都會想帶貓貓去打 貓晶片 。陣間就算唔見咗佢地，都可以憑晶片認返。「雖然香港的貓大多室內飼養，但是不時有走失貓的個案，貓晶片 制度有增加貓貓尋回主人的機會。」

 

貓媽咪就幫各位查探過，愛協以至唔少獸醫診所都有提供呢個服務，其中愛協打AVID晶片嘅費用，劃一係100蚊，另加220至400蚊不等嘅診金。

AVID係香港通用嘅晶片制式，成粒晶片就係一粒米咁上下大細，當中包含9個位嘅編碼，每個編碼都係獨一無二嘅。晶片並唔會記低任何個人資料，亦唔會產生無線電訊號。因此掃描嘅時候，掃描器只會讀到一個編碼反射訊號。雖然打晶片只係15分鐘內嘅事，但貓媽咪覺得，大家可以選擇係同貓貓結紥嘅時候，做埋晶片手術，咁就可以減少貓貓入手術室嘅次數啦。

 

最後貓媽咪提醒大家，貓貓打晶片始終有風險，而且貓多數都唔會出街，其實裝好晒窗花，紗網同小心門戶，就無晶片呢個需要。大家要自己衡量吓有無呢個需要，先落決定啊，喵～