愛貓的你一定會為在家中添置貓窗紗或貓窗花，有貓媽擔心貓窗紗不夠力，貓窗花又有礙景觀，選擇時上鎖是不是必須? 如果不方便加裝又可以怎樣做? 1, 貓的大細: 貓窗花的每個欄位的距闊約1.5吋闊，太窄的話會影響流通及景觀，太闊的話用處就不大，因此如果細尺寸一點的就不應裝貓窗花，可以選擇貓紗窗，一來密度細，二來又不會阻檔小貓向外觀景 2.上鎖的必要: 小貓的大小有影響上鎖的重要性，我們建議該用上鎖的，因為某些貓窗花並非用磁石開關，就會易打開，做成危險。 3. 市面專門整窗貓紗或貓窗花的店舖多選擇也多，價錢每隻小窗 $400-$1000 不等，但如果不方便安裝(例如租屋)，也可以考慮到淘寶購買魔術貼窗紗或隔仔綱，經濟實惠!  

愛貓走失一定令貓主擔心非常，又不能常困於家中，貓貓也要出外走走! 但唔少主人為了萬一貓貓不幸走失都可以增加尋回牠們的機會，都會選擇注入晶片。順帶一提，如果帶貓貓散步前，可以在家中練習牽繩，讓貓貓及主人熟習力度、距離，到真正散步時貓貓同主人都知道大約情況，減少突如其來的意外，更可以防止走失。 除了在家實習外，主人更可以喺愛護動物協會打AVID制式晶片，價錢係$100另加診金。晶片少於1cm長，所需時間約15分鐘。 帶貓貓散步有好多好處。一方面可以減低佢哋患尿道炎嘅風險，亦可幫啲貓貓減壓。貓貓有時會望出窗外，見到雀仔會非常興奮，呢種行為表示貓貓需要出外散步，亦都係動物嘅基本需要。打咗晶片就唔怕貓貓走失，咁就放心帶佢哋出去散步啦。 如果唔方便經常帶貓貓出街，貓貓喺屋企有時會自己諗辦法放電，當然少不免會周圍跳嚟跳去。所以，屋企裝貓窗花/ 窗網係必須的。窗花/ 窗網要不能夠讓貓貓頭部穿過，闊度一定唔多以過1.5″，一般$1000內都有交易。市面上有唔同種類嘅窗花，有啲係活動式設計，上下加有鎖牌，可自行加掛鎖，方便清潔之餘又安全。  

炎炎夏天又到了。原來，貓貓體溫比起我哋高出一至兩度， 相對人類佢哋更容易中暑。 貓貓中暑特徵 如果發現貓貓有以下特徵，就要加倍小心，因為佢哋可能中暑了： 有體溫升高、心跳加速、喘氣、呼吸加快、鼻孔乾燥、黏膜潮紅或呈紫色、精神不振、口吐白沫、便便呈黑色、無尿或少尿等。嚴重時，貓貓更會昏迷、全身痙攣。   全日開冷氣畀貓貓防止中暑？ 全天候開冷氣畀貓貓，雖然可以將佢哋中暑機會減低，但會衍生其他問題。首先，冷氣同外面空氣對流減少，令到皮膚致敏源積聚於室內，增加患上貓癬及其他皮膚病可能。另外，長期開冷氣會令貓貓適應天氣轉變能力降低，反而令貓貓外出時中暑機會增加。 貓貓消暑大法 其實除咗開冷氣之外，係有其他方法幫貓貓消暑嘅： 1. 外出時，盡量避免長期曝曬，以及少去人多嘅地方，去比較通風嘅地方例如公園有樹蔭嘅位置。 2. 如發現貓貓出現中暑徵狀，應盡快用凍水抺身，或者用濕毛巾敷喺貓貓額頭，可以迅速令貓貓降溫。 3. 主人可以用酒精搽喺貓貓腳底、腋下、肚仔等位置，一樣可以令貓貓體內熱量散出嚟。 4. 中暑後，當貓貓恢復精神，一定要補充水分，以免脫水。 做好準備，陪貓貓渡過夏天喇！

5個保護貓貓皮膚防貓癬小貼士 1. 防疫針可以預防貓癬？ 坊間討論比較多，係防疫針可唔可以預防貓生癬。其實貓生癬嘅成因有好多，好似人嘅皮膚病一樣，有外在、內在、先天同後天因素，所以不能一刀切認為打針有效。 2. 保持環境清潔 保持貓貓居住環境清潔係必須的，對貓貓嘅起居飲食、心情同預防皮膚病都好有幫助。環境清潔，可以預防致敏源例如塵粒、細菌、殘餘食物等等入侵貓貓皮膚。 3. 保持玩具及用具清潔 貓貓會好鍾意玩玩具、咕𠱸、枕頭等等。可以的話，盡量每日將玩具曬太陽，利用陽光消毒。另外，貓貓用具、食具等等，亦都要用紫外光消毒，防止細菌入侵貓貓皮膚。 4. 選擇貓褓母代替貓酒店 有主人去旅行時，會將貓貓放喺貓酒店。其實呢個唔係最好方法，始終喺酒店有機會交叉感染，最好係搵信得過嘅貓褓母。如果一定要住貓酒店，主人務必要先去貓酒店視察環境，確保其環境清潔以免受感染。 5. 增加維他命，慎選貓糧 增強貓貓自身抵抗力，係對預防貓癬最好嘅辦法。當選擇貓糧，一定要小心僅慎，留意會否有對貓貓皮膚有致敏成分，同時要留意維他命成分、以及營養價值有幾高等等。 做好預防措施，貓貓就冇咁易有貓癬喇！